1978an dantzari amorratuen kuadrilla bat heldu zen ahaztutako Arka plazara ALI-0000 matrikuladun grisen furgoneta kamuflatu batean; barruan kutxa batzuk cava, baita bafleak ere.

Txantxak eta barreak tarteko, ekimen jator hark harrera ona izan zuen, bertaratukoek animuak eman, baita eskatu ere egin zuten hurrengo urtean errepikatzea. 1979. urtea zen eta gero eta jende gehiagok eskatzen zuen jarraitzeko.

Arrakastarekin konturatuta, aitzindari haiek behar bezalako herri-jaia antolatzea erabaki zuten: musikariak kontratatu, agertokia muntatu eta “Txanpan Etxea” famatua eraman zuten cava saltzeko bertaratutakoei, gau-jaiak sortzen zituen gastuak ordaintzeko.

Kexak ere izan baziren, zona horretako ostalariren batek protesta egin zuen, baita auzokideren batek ere lorik ezin zuelako egin. Udaltzainak ere hantxe ziren, gau-jaia bukatu behar zela behin eta berriro esanez.

Azkenean, udala konturatu zen hark funtzionatu egiten zuela eta erabaki zuen egunero gau-jaiak antolatzea Arka plazan; baina horrelako batek ere ez zion itzal egiten OKERRAK kuadrillak antolatutakoari.

Urteek eragina izan zuten gure Txanpan Etxea maitean; hartara, txikienen gustukoa zen traktore berde erraldoi hark atoian zeraman jatorrizkoaren diseinuari eusten zion karpa tolesgarri bat erabiltzen hasi ginen haren ordez 2010ean.

Okerrak kuadrillarentzat xanpain-berbena gure altxorra da, maitasun handiz antolatzen dugun ekimena da, baita emoziorik handiena sortzen diguna ere. Adin guztietako hainbeste lagun dantzan ikusteak eta urtetik urtera horretaz gozatzeak azaltzen zaila den sentsazioa sortzen digu eta ahalegin egitea merezi duela ez dugu zalantzarik.

Ez ditugu ahaztu nahi jaiaren benetako protagonistak, Joselu Anaiak, urtetik urtera agertokira irteten dira onena emateko prest gasteiztar guztion gustuko errepertorioa eskainiz. Hitz egokirik ez dugu eskertzeko zuen musika eta umorea; giro alai horrek lagundu digu urteetan eta espero dugu etorkizunean hala izaten jarraitzea.

GORA OKERRAK eta GORA JOSELU ANAIAK!